Vinaora Nivo Slider 3.xVinaora Nivo Slider 3.xVinaora Nivo Slider 3.xVinaora Nivo Slider 3.xVinaora Nivo Slider 3.xVinaora Nivo Slider 3.xVinaora Nivo Slider 3.xVinaora Nivo Slider 3.x

Kontak Besonderhede

ADRES
353 Deystraat,
Nieuw Muckleneuk
(oorkant Anton v Wouw Laerskool)

POSADRES
Posbus 2492
Brooklyn Square
0075

EREDIENSTE SONDAE

Klassieke diens:  09:00
Kindergroepe*
 09:15
Aanddiens:*  18:00
Tienergroepe en Belydenisklas:*
Net na aanddiens
 
*Slegs in skoolkwartaal  

KERKKANTOOR
353 Deystraat
Nieuw Muckleneuk
ngkwater@yebo.co.za
012 460 3913

PERSONEEL
Leraars

André van Niekerk
Rotsvygielaan 295
La Montagne
072 317 0408

Bernice Serfontein
083 417 5133

Gemeente organiseerder
Hannatjie Venter
ngkwateradmin@yebo.co.za
082 811 5997

Sekretaresse
Estelle van der Vyver
ngkwater@yebo.co.za
Tel: 012 460 3913
078 194 0220

Orrelis
Betsie Schaap

082 774 9376

Koster
Jabu Mtau

064 700 7004

Kerkraad voorsitter
Stephan Barac
082 554 8941

Onder-voorsitter
Maarten van Hoven
083 412 7885

Gemeentebrief: 18 September 2020

Liewe Lidmaat

Kentering gaan kom

 

My verwagting is dat ons vir ’n tyd lank nog gaan voortploeter, maar dat daar binne ’n jaar of vyf ’n kentering gaan kom.

 

Die eiers is inderdaad aan die breek, maar ons gaan nou maar ’n omelet daarvan moet maak.

 

My raad aan mense wat wanhopig is, is dat hulle by hulle eie lewens moet begin. Maak jouself sterk sodat die golwe om ons jou nie verswelg nie. Maak vrede en verstewig jou verhoudings met jou lewensmaat, jou kinders, jou familie, jou vriende en jou kollegas. Begrawe die ou wrokke.

 

Konsolideer jou werk- en geldsake; leef eenvoudiger; herbesin oor jou prioriteite. ’n Gehalte-lewe hoef nie ’n duur lewe te wees nie.

 

Leef gesonder. Gaan meer uit in die natuur. As jy nie ’n hond het nie, skaf een aan. Luister meer musiek ek kyk dalk minder na die nuusbulletins op televisie. Bly weg van die haat, onverdraagsaamheid en samesweringsteorieë op Facebook. Wees meer pragmaties, hou jou kop oop vir nuwe idees eerder as om aan jou ideologieë en vooroordele vas te klou. Lees ’n paar goeie romans. Wees mededeelsaam met dié wat meer as jy sukkel. Raak betrokke by jou gemeenskap.

 

Maak vrede daarmee dat ons in ’n tyd van onsekerheid lewe, maar maak seker dié onsekerheid lê nie binne-in jou nie.

 

Vasbyt.

 

               Max du Preez

BOODSKAPPE SONDAG 20 SEPTEMBER 2020

  1. Sondag 20 September onder leiding van ds.Bernice is op YouTube Dis ongeveer dieselfde boodskap as die boodskappe van 9:00, 10:00 en 18:00 by die kerk. Klik hier https://www.youtube.com/watch?v=2NcG_vrYQuE vir YouTube of besoek ons webblad www.waterkloofkerk.co.za. en kyk onder liturgie.  Ons stuur ook ’n SMS met die skakel aan op Sondagoggend.  Baie dankie aan Johan, Estelle, Betsie, Lize, Landi en Cora-Mari vir die musiek, saamstel en uitstuur van die boodskap.

Skriflesing Markus 10:13-16

 

Huisgeloof:

Ons heg vir ouers ’n dokument met ouertoerusting aan. Die Waardevolste Geskenk Aan Jou Kind! ­­(skakel). Ons nooi u uit om deur dit te werk en te kyk hoe dit moontlik ‘n positiewe bydrae tot die huisgesin kan maak. Gesels ook saam as gesin oor die erediens.

 

  1. Ons stuur Maandagaand 21/9 die week se dagstukkies vir almal op ons lys. Indien jy dit nog nie kry nie, laat weet asseblief. Indien jy dit nie gebruik nie laat weet ook asb. vir Estelle. Gee asb. terugvoer hoe u dit ervaar. Dit sal die skrywer kan help.

 

  1. EREDIENSTE SONDAG 20 SEPTEMBER

Eredienste om 09:00 en 10:00 asook 18:00 word steeds tot Sondagnag om 24:00 tot 50 persone beperk. Bespreek asb. by Estelle by This email address is being protected from spambots. You need JavaScript enabled to view it. of Whatsapp/SMS 078 194 0220.

 

Ons besef maskers dra, handewas, vorms invul, temperatuur meet en afstand hou, is nou al ‘n irritasie. Kom ons voldoen steeds daaraan – die bedoeling agter die reëls is immers goed. Die dure plig om ‘n tweede vlaag van die virus te voorkom, is nou volledig ons eie verantwoordelikheid.

(Van volgende Sondag (27 September) af slegs twee eredienste naamlik om 9:00 en 18:00.)

 

AANDAG VERBINTENIS (BELYDENIS) GROEP

Die volgende bespreking vind op 20 September na afloop van die Aanddiens by die kerk  plaas. Die gesprek sal afgehandel wees teen 19:45. Werk daardeur en kyk hoe dit moontlik ‘n positiewe bydrae tot die huisgesin kan maak.

 

VROLIKE VRYDAE FEESTE 2020

  • Ons kermis wat op Saterdag 29 Augustus gehou sou word maar vanweë die Covid-19 pandemie afgestel is, word vervang deur heerlike wegneem-etes op Vrydae-aande vanaf 18 September.

 

  • Die etes is beskikbaar op die betrokke Vrydag tussen 17:00 en 19:00. Jy kan jou bestelling plaas deur ’n epos te stuur aan This email address is being protected from spambots. You need JavaScript enabled to view it. of Estelle te Whatsapp/SMS na 078 194 0220 voor 12:00 op die voorafgaande Woensdag.  Jy kan jou wegneem-ete elektronies betaal en die bewys van betaling saamneem wanneer jy die kos afhaal.  Gebruik asb. as verwysing jou NAAM + FEESETE.  Jy kan ook op die dag wat jy die wegneem-ete afhaal SnapScan of met die presiese kontant betaal (geen kleingeld gaan beskikbaar wees).

 

Die volgende wegneem-etes gaan verkoop word:

  • Vrydag 2 Oktober – Kerrie-en-rys @ R45,00
  • Vrydag 9 Oktober – Burgers @ R50,00
  • Vrydag 6 November – Worsbroodjies @ R30,00
  • (Nog Vrydae-aande word oorweeg, maar die spyskaart is nog nie vasgestel nie. Indien jy en gesinslede of vriende een aand wil neem, laat weet Estelle, Bernice of André).

 

  • Ouma Rooi se koeksisters, groot koeke, bevrore etes en heerlike Saronsbergwyn sal ook elke Vrydagaand in ons kermiswinkel beskikbaar wees.

 

  • Diegene wat veilig voel en die nodige maatreëls tref (gesigmasker vir mense bo 10 jr, handewas, ens.) kan ook ‘n piekniekkombers bring en op die terrein ‘n fesie hou of in die saal by ‘n tafel sit mits die nodige afstand gehou word.

 

  • Bestellings vir hoender- en wildspasteie kan nou reeds by die Kerkkantoor gedoen word: Skakel vir Hannatjie 082 811 5997 gedurende kantoorure of nog beter stuur e-pos aan This email address is being protected from spambots. You need JavaScript enabled to view it.  Klik hier vir ’n bestelvorm.

 

COVID-19: FASE 1

Die maatreëls vir fase 1 tree op 20 September om 24:00 in werking. Ons moet ongelukkig steeds in gedagte hou dat talle lande ‘n tweede ernstige vlaag van infeksies ontwikkel het waarin rekord getalle aangeteken is. Hoewel die somer ons hier in die suidelike halfrond bevoordeel, moet ons asseblief versigtig bly:

 

  • Persone ouer as 60 jaar en alle persone met een of ander liggaamlike swakheid word gewaarsku om hulleself steeds so veel as moontlik eenkant te hou. Indien u moet uitgaan, vermy groot groepe mense, hou asseblief veilige afstand, dra jou bril en gesigbeskerming.

 

  • Die uitsending van die boodskappe en uitstuur van dagstukkies gaan voort al is daar nou drie eredienste hierdie Sondag en van volgende week twee nl om 9:00 en 18:00.

 

  • Bel asseblief gereeld mense of kuier met ‘n behoorlike afstand. Indien jy ander mense of winkels besoek het: onthou om jou hande te was en nie aan jou gesig of aan oppervlaktes soos toonbanke te vat nie!

 

  • Moet asseblief ook nie huiwer om ons leraars te bel en oor enigiets met hulle te gesels of selfs ‘n afspraak te maak nie. Die leraars is beskikbaar soos volg:

     - Ds. André 072 317 0408 of This email address is being protected from spambots. You need JavaScript enabled to view it.  

     - Ds. Bernice 083 417 5133 of This email address is being protected from spambots. You need JavaScript enabled to view it.

     Die leraars kan lidmate met enige sake en mits alle veiligheidsmaatreëls getrou nagekom word, per afspraak by die kerkkantoor ontvang. Indien u angs ervaar, neerslagtig raak of nie kan slaap nie kontak asseblief ‘n sielkundige of maak dadelik ‘n afspraak om met een van ons te gesels.

 

  • Ons nooi almal om waar hulle is elke dag om 12:00 – wanneer ons kerkklokke lui – ’n paar oomblikke voor die Here stil te word en vir wysheid, moed en die leiers van die regering, maatskappye, onderwys, mediese personeel en hulporganisasies te bid.

 

  • Spesiale geleenthede, soos begrafnisse en doopgeleenthede sal steeds in oorleg met die Leraars en Dagbestuur bespreek kan word. Ons kan ook steeds reël dat u die gemeentetuin en in besonder die herinneringsmuur in veiligheid kan besoek.

 

  • Die kerkkantoor is weer oop. Daar is wel probleme met ons landlyn. Kontak asb. vir Estelle en Hannatjie op hulle selfone.

     Estelle en Hannatjie is beskikbaar soos volg:

  • Estelle 078 194 0220 of This email address is being protected from spambots. You need JavaScript enabled to view it.
  • Hannatjie 082 811 5997 of This email address is being protected from spambots. You need JavaScript enabled to view it.

 

  • Vir diegene wat verkies om koswinkels in hierdie tye te vermy en eerder tuisaflewerings te kry, kontak gerus Fresh Start Produce.  Hulle lewer suiwelprodukte, brood, vrugte, groente en ander noodsaaklikhede op bestelling af. Ons area se afleweringsdag is op ‘n Donderdag. Bestellings moet teen omtrent Dinsdag geplaas word daarvoor. Gratis aflewering vir bestellings oor R250, andersins R70 afleweringsfooi. Besoek gerus hulle webtuiste vir meer inligting.  Klik hier vir die webtuiste of kontak hulle by selfoonnommer 082 215 7267 vir ’n bestelling.

 

  • Daar is ’n klompie kinders en gesinne wat afhanklik is van Laerskool Anton van Wouw vir kos en basiese behoeftes. Charmaine Krüger, het die nood geïdentifiseer en poog om in hierdie tyd daardie 12 gesinne te voorsien van basiese kos, behoeftes en die nodige medisyne en aanvullings. Indien u ’n bydrae kan lewer, kontak gerus vir Charmaine by This email address is being protected from spambots. You need JavaScript enabled to view it. of 082 631 3664.

 

  • Ons is weer deur Pretoria-gemeente gevra om by ‘n skuiling vir hawelose manne en gesinne betrokke te raak. Ons moet 20 klein aandetes (bv worsbroodjies, kerrie en rys, burgers) asook vrugte en 2 brode) by Arcadia-kerkgebou op Maandagmiddae voorsien. Indien jy betrokke wil raak met die maak van eenvoudige kos een keer per maand of  eenmalig vir een week , kontak asb. Estelle of André. Indien jy nie kan aflewer nie sal ds André dit by jou kom oplaai. Ons is tans al drie persone en kort ten minste nog een.

 

LIEF EN LEED

Verjaarsdae Sondag 20 September: Sebastian Botha, (Michelle Crescent); Dorothy Joubert (Silver Oaklaan); Cobus Kok (Mainst); Anton Scholtz (Aquilalaan)

Ongesteld: Boy Oosthuizen met hartversaking (Lawleyst); Gerda du Toit (behandeling); Blackie Swart (Oostvallei); Alphia Schutte se ma (94) in Kaapstadse versorgingsoord; Ina Nell (Argo Place).

Meegevoel aan:

- Stefaan, Ilse, Annik, Emma en Tessa Battheu met die heengaan van Ilse se moeder, Margareth Herbst, in Stilbaai.  ’n Dankdiens is op Saterdag 12 September in Stilbaai gehou

- Die familie van Meyerine Mijburgh.  Meyerine het vroeër in Larmenier gewoon.  Sy oorlede. Ons het’n dankdiensopname gemaak. Indien jy dit graag wil ontvang, kontak vir kleindogter, Meyerine Venter by 092 325 5890.

 Ons dink aan lidmate en hulle families/ naastes wat positief getoets is vir Covid-19.

Seënwense aan Karel en Nicolene Potgieter wie se Amie, Saterdag 19 September vanweë spesiale Covid-19 reëlings gedoop word. Ongelukkig trek die Potgieters volgende week Wes-Kaap toe. Ons dank hulle vir hul bydraes hier en vertrou dat hulle ‘n heerlike verblyf in die Kaap sal geniet.  

Seënwense aan Nicolaas en Lukas Steenekamp met die geboorte van hulle seuntjie, Lukas, op 9/9/2020.  Ook seënwense aan ouma Janetta en oupa André.

 

DINSDAG 22 SEPTEMBER: LENTEDAG (Dag-en-nag-ewening)

Op Dinsdag 22 September om 13:31 skyn die sentrum van die Son loodreg op die ewenaar wat o.a. meebring dat die dag- en naglengte ewe lank is, die Son presies Oos opkom en presies Wes ondergaan. Die dae hierby ons aan die suidekant van Aarde word nou langer tot 21 Desember wanneer die sentrum van die Son reg op die Steenbokskeerkring skyn. By die Suidpool kom die son ‘op’ na drie maande se nag/skemer en op die Noordpool gaan dit ‘onder’. Natuurkundig is dit die aanbreek van die Suidelike Halfrond se lente- en die Noordelike Halfrond se herfsseisoen.

 

ONS PRAGTIGE GEMEENTE-TUIN

Dankie, aan Jabu wat ons tuin so goed versorg. Ook aan Koos Engelbrecht vir die snoei van die prieël.

 

COVID-19 HULPFONDS

Baie dankie vir die bydraes wat u sovêr gemaak het. Dit maak ‘n reuse verskil in baie se lewens! Betalings is reeds aan toepaslike projekte, instansies of individue betaal om onmiddellike nood te verlig.

 

DANKOFFERS EN BYDRAES

 

Die Kerkraad wil sy dank uitspreek vir die positiewe reaksie op die versoek om u maandelikse bydraes te verhoog om sodoende te vergoed vir die verlies aan erediensdankoffers. Die gemeente se maandelikse dankofferbydraes tot 31 Augustus is ongeveer gelyk aan die begrote bedrag vir maand- en erediens dankoffers vir dieselfde periode. Alhoewel ons tog sekere besparings kan bewerkstellig, gaan die meeste van die gemeente se normale maandelikse uitgawes egter steeds voort.

 

Die werklikheid is egter dat ons as gemeente in ‘n groot mate ook afhanklik is van ons fondsinsamelingsprojekte soos die wynveiling (Junie) en kermis (Augustus). Hierdie projekte kan nie op die oomblik aangebied word nie maar die Kerkraad is vol vertroue dat ons wel nuwe planne (oa Vrolike Vrydagaand Feeste) sal kan aanbied om die nodige fondse te kan kry. Ons behoort binnekort ons nuwe idees rondom die jaarlikse kermis en wynveiling met u te deel.

 

Die Kerkraad wil dus ‘n beroep doen dat u asseblief, sovêr dit moontlik is, moet voortgaan om maandelikse bydraes en erediens offergawes per EFT, Snapscan of debietorders te maak en om te oorweeg om u bydraes te verhoog waar moontlik.  Dankie vir u voortgesette bydraes. Ons waardeer dit baie!

Gemeente se bankbesonderhede:

NG Kerk Waterkloof

ABSA Brooklyn Mall Takkode 33-53-45

Lopende rekening 1500 580 077

 

KOMMUNIKASIE

  • Kyk asseblief gereeld na jou foon (SMS`e), jou epos en ook die webblad (http://www.waterkloofkerk.co.za/)
  • Alle nuus, opdaterings en reëlings sal op hierdie platforms gedeel word.

 

SNAPSCAN

   

Ons beskik oor SnapScan.  U kan die toepassing op u selfoon aflaai en dan u offergawes of maandelikse bydraes met SnapScan aan die gemeente oordra. U kan ook allerlei ander betalings (bv. winkels en markte) so kontantloos en veiliger doen.

 

DEBIETORDER

Indien u graag u dankoffer per debietorder aan die kerk wil gee of wil verhoog, klik hier vir ’n debietordervorm.

 

SPESIALE UITGAWE: E-KOERANT (KERKBODE)

Die webskakel hieronder neem jou na die “e-koerant”. Dit wil sê die digitale weergawe van die gedrukte koerant. Klik hier en lees: https://kerkbode.christians.co.za/e-koerant/

 

LIG TYDSKRIF

A.g.v. die inperking kan die LiG tydskrif nie gedruk en afgelewer word nie.  Indien u belangstel om die LiG tydskrif te lees kan u hier klik www.lig.co.za om die LiG te lees.

 

IETS VIR DIE NATUURLIEFHEBBERS

Gedurende die afsonderingtydperk bied die Kruger Nasionale Park twee wildritte om 05:00 - 08:30 en 15:30 - 18:30 op YouTube aan.  Kliek hier  https://www.youtube.com/channel/UCV6HJBZD_hZcIX9JVJ3dCXQ/videos?app=desktop om saam op die wildritte te gaan.

 

HELP ONS OM AL ONS MENSE TE BEREIK

Stuur asseblief (a) name van lidmate wat ongesteld is OF HULP VAN ENIGE AARD BENODIG; (b) kommentaar oor hierdie brief en (c) e-posadresse (bv. u man/ vrou/kind/lidmaat oorsee) waarheen ons die brief kan stuur. U kan hierop net “reply”.

 

Kontaknommers vir Kerkraad verteenwoordigers

- Stephan Barac (Voorsitter Kerkraad) 082 554 8941

- Maarten van Hoven (Ondervoorsitter Kerkraad) 083 412 7885.

 

Beleef die ontvouing van God se liefde ook in die natuur!– Estelle van der Vyver

 

 

 

 

Spesiale Geleenthede

Spesiale geleenthede

VROLIKE VRYDAE FEESTE 2020 Ons kermis wat op Saterdag 29 Augustus gehou sou word maar vanweë die Covid-19 pandemie afgestel is...

Read more

Hierdie week se Gemeentebrief

Gemeentebrief

Gemeentebrief: 18 September 2020 Liewe Lidmaat Kentering gaan kom   My verwagting is dat ons vir ’n tyd lank nog gaan voortploeter, maar dat...

Read more

Hierdie week se Bulletin

Hierdie week se Liturgie

Liturgie

Sondag 20 September 2020 erediens.

Read more

Boodskappe en bybelstudies

Boodskappe en bybelstudies

Om met die here se seën te lewe 11 Augustus 2019 Misterie van die koninkryk 21 Julie 2019 Om met God te...

Read more

Dankoffermaand

Dankoffermaand

Dankoffermaandbrief Debietorder

Read more